Апостыль — гэта спецыяльны штамп, які пацвярджае сапраўднасць дакумента для выкарыстання ў краінах, якія падпісалі Гаагскую канвенцыю 1961 года. Большасць еўрапейскіх краін яе падпісалі.
Калі патрэбны апостыль?
- Пры паступленні ва замежны ўніверсітэт (атэстат, дыплом)
- Пры працаўладкаванні за мяжой
- Пры афармленні віду на жыхарства
- Пры рэгістрацыі шлюбу ці нараджэння дзіцяці за мяжой
Якія дакументы можна апастыляваць?
- Атэстат аб сярэдняй адукацыі
- Дыплом аб вышэйшай адукацыі
- Пасведчанне аб нараджэнні
- Пасведчанне аб шлюбе / разводзе
- Даведкі аб адсутнасці судзімасці
- Натарыяльна засведчаныя пераклады
Як атрымаць апостыль у Беларусі
Крок 1. Звярніся ў орган, які выдаў дакумент (школа, ВНУ, ЗАГС і г.д.) і атрымай афіцыйную копію ці арыгінал.
Крок 2. Для большасці дакументаў апостыль ставіць Міністэрства юстыцыі Рэспублікі Беларусь ці яго тэрытарыяльныя органы.
Крок 3. Падай заяву з арыгіналам дакумента. Тэрмін — звычайна 5–15 рабочых дзён. Кошт — ад 1 базавай велічыні.
Калі ты ўжо за мяжой
Калі дакументы засталіся ў Беларусі, папрасі даверанага чалавека атрымаць апостыль па натарыяльнай даверанасці. Даверанасць можна аформіць у беларускім консульстве краіны, дзе ты знаходзішся.
Таксама магчымы апостыль праз пасрэднікаў — юрыдычныя фірмы, якія спецыялізуюцца на легалізацыі дакументаў. Гэта даражэй, але хутчэй.
Ці патрэбны пераклад?
Так. Пасля апостыля дакумент неабходна перакласці на мову прымаючай краіны ў сертыфікаванага перакладчыка і пры неабходнасці натарыяльна засведчыць пераклад.
Карысныя кантакты
- Міністэрства юстыцыі Беларусі: minjust.gov.by
- Для пацвярджэння патрабаванняў ВНУ — звярніся напрамую ў прыёмную камісію