Калі ты плануеш вучыцца ў Польшчы на польскай мове, дык абавязкова сутыкнешся з адной абавязковай умовай: пацвярджэннем ведання польскай мовы. Польскія ўніверсітэты прымаюць замежных студэнтаў на праграмы з навучаннем на польскай мове толькі пры наяўнасці дакумента, які пацвярджае валоданне мовай не ніжэй за ўзровень B2. Гэтая ўмова замацавана заканадаўча і распаўсюджваецца на ўсе дзяржаўныя і большасць прыватных універсітэтаў.
Якія дакументы падыходзяць?
Моўныя сертыфікаты на ўзровень B2, C1 або C2:
- Дзяржаўны сертыфікат польскай мовы — выдадзены Дзяржаўнай камісіяй па сертыфікацыі ведання польскай мовы як замежнай.
- Сертыфікат ECL — European Consortium for the Certificate of Attainment in Modern Languages.
- Сертыфікат TELC (telc GmbH / WBT Weiterbildungs-Testsysteme GmbH).
Іншыя спосабы пацвердзіць узровень B2:
- Даведка аб заканчэнні падрыхтоўчых курсаў для паступлення ва ўніверсітэт, пры ўмове, што курс доўжыўся не менш за 9 месяцаў.
- Дыплом аб заканчэнні польскага ўніверсітэта з навучаннем на польскай мове.
- Дыплом замежнага ўніверсітэта па спецыяльнасці «польская філалогія» або «прыкладная лінгвістыка», пры наяўнасці дадатку, які пацвярджае не менш за 500 навучальных гадзін польскай мовы.
- Пасведчанне прысяжнага перакладчыка, выдадзенае Міністэрствам юстыцыі Польшчы, або даведка аб унясенні ў рэестр прысяжных перакладчыкаў.
Дзяржаўны экзамен па польскай мове: што гэта такое?
Egzamin certyfikatowy z języka polskiego jako obcego гэта сертыфікацыйны экзамен па польскай мове як замежнай. Яго арганізуе Дзяржаўная камісія па сертыфікацыі ведання польскай мовы як замежнай (Państwowa Komisja ds. Poświadczania Znajomości Języka Polskiego jako Obcego) пры падтрымцы Нацыянальнага агенцтва акадэмічнага абмену (NAWA).
Экзамен правярае чатыры моўныя навыкі: разуменне на слых, чытанне, гаварэнне і пісьмо.
Дзе здаваць экзамен?
Экзамен праводзіцца ў акрэдытаваных цэнтрах: польскіх універсітэтах і адукацыйных арганізацыях, якія атрымалі права на арганізацыю сесій. Спіс актуальных цэнтраў публікуецца на сайце certyfikatpolski.pl за два месяцы да кожнай сесіі. Цэнтры працуюць як на тэрыторыі Польшчы, так і за мяжой. Актуальны спіс цэнтраў (красавіцкая сесія 2026 года) даступны па спасылцы: Спіс акрэдытаваных цэнтраў
Як запісацца на экзамен?
Рэгістрацыя праходзіць у тры крокі:
- Крок 1. Абяры цэнтр з актуальнага спіса.
- Крок 2. Перайдзі на сайт абранага цэнтра і зарэгіструйся ў тэрміны, устаноўленыя гэтым цэнтрам.
- Крок 3. Аплаці экзамен на рахунак цэнтра, рэквізіты для пераводу размешчаны на яго сайце.
Звярні ўвагу: спісы цэнтраў, якія ўдзельнічаюць у канкрэтнай сесіі, публікуюцца за два месяцы да даты экзамена, тады ж адкрываецца і рэгістрацыя.
Колькі каштуе экзамен?
Кошт устанаўліваецца кожным цэнтрам самастойна, але не можа перавышаць максімальныя сумы, вызначаныя заканадаўствам:
- 90 € — узроўні A1–B2 для дзяцей і моладзі
- 120 € — узроўні A1, A2 (дарослыя)
- 150 € — узроўні B1, B2 (дарослыя)
- 180 € — узроўні C1, C2 (дарослыя)
Выдача сертыфіката аплачваецца асобна — эквівалент 20 € у злотых.
Даты экзаменаў у 2026 годзе:
- 14–15 лютага — узроўні B1 і B2 (дарослыя і дзеці/моладзь)
- 25–26 красавіка — узроўні B1, B2 і C1 (дарослыя)
- 27–28 чэрвеня — узроўні B1 і B2 (дарослыя)
- 17–18 кастрычніка — узроўні B1, C1 і C2 (дарослыя)
- 5–6 снежня — узровень B1 (дарослыя), B2 (дзеці/моладзь)
Раскладанне сесій на 2026 год.
Ці можна атрымаць сертыфікат без экзамена?
Так, у некаторых выпадках можна! З 1 ліпеня 2025 года, згодна з абноўленым Законам аб польскай мове, замежныя грамадзяне і грамадзяне Польшчы, якія пастаянна пражываюць за мяжой, могуць атрымаць сертыфікат без здачы экзамена, калі яны:
- атрымалі ступень доктара навук на аснове дысертацыі, напісанай і абароненай на польскай мове ў польскім універсітэце;
- скончылі польскамоўныя праграмы навучання ў польскім універсітэце;
- скончылі сярэднюю школу ў сістэме адукацыі Польшчы і маюць атэстат сталасці (matura);
- скончылі замежную школу з выкладаннем на польскай мове і маюць сярэднюю адукацыю;
- скончылі еўрапейскую школу і маюць дыплом еўрапейскага бакалаўра з вынікам па польскай мове як роднай;
- навучаліся на польскай мове ў арганізацыях, якія дзейнічаюць за мяжой, не менш за 11 гадоў.
- У такім выпадку трэба падаць заяву ў Дзяржаўную камісію. Сертыфікат без экзамена: прававая аснова
Кантакты
Sekretariat Państwowej Komisji do spraw Poświadczania Znajomości Języka Polskiego jako Obcego ul. Polna 40, 00-635 Warszawa
Офіс: +48 (22) 390 35 37 / +48 (22) 390 35 87 certyfikacja@nawa.gov.pl
Сертыфікат без экзамена: +48 451 058 645 / +48 509 359 543 / +48 451 058 652 certyfikat.wniosek@nawa.gov.pl
Гадзіны тэлефонных дзяжурстваў: Панядзелак: 13:00–15:00 Аўторак – пятніца: 09:00–11:00