Калі ты сутыкнуўся_лася з палітычным ціскам або пераследам у Беларусі, і ты не можаш бяспечна вучыцца ў Беларусі, то варта разгледзець стыпендыяльную праграму імя Кастуся Каліноўскага (Program Stypendialny Rządu RP im. Konstantego Kalinowskiego). Гэта польская дзяржаўная ініцыятыва па падтрымцы беларускіх студэнтаў і навукоўцаў, якая дае магчымасць атрымаць якаснае адукацыю пад апекай Варшаўскага ўніверсітэта.
Якая праграма мне падыходзіць?
Праграма дзеліцца на два асноўныя патокі ў залежнасці ад тваіх мэт:
Праграма I (Для студэнтаў) Калі цябе закранулі рэпрэсіі, пераслед, адлічэнне з беларускай ВНУ па палітычных матывах або ты з’яўляешся выпускніком_цай Беларускага Гуманітарнага Ліцэя імя Якуба Коласа, то гэтая праграма для цябе. Яна дазваляе бясплатна вучыцца на бакалаўрыяце або магістратуры ў многіх дзяржаўных ВНУ Польшчы.
Праграма II (Для маладых навукоўцаў) Калі ў цябе ўжо ёсць магістарская ступень, або яе эквівалент, і табе да 35 гадоў, ты можаш паехаць на гадавую навуковую стажыроўку. Ты будзеш працаваць над сваім праектам пад кіраўніцтвам польскага прафесара-цьютара.
Што трэба для падачы?
Каб удзельнічаць у адборы на 2026/2027 навучальны год, падрыхтуй пакет дакументаў у фармаце PDF:
Для Праграмы I:
- Запоўненая анкета Кандыдата ў Праграму.
- Заява аб прыёме ў Праграму KKI.
- Запоўні онлайн-форму.
- Дакументы аб заканчэнні сярэдняй школы (атэстат).
- Дакумент, які сведчыць аб затрыманні/арышце або асуджэнні (калі такія факты мелі месца).
- Дакументы, якія пацвярджаюць навучанне ў ВНУ ў Беларусі*.
- Выпіска з залічанымі прадметамі (акадэмічная даведка/залікоўка)*.
- Дакумент, які пацвярджае адлічэнне з ВНУ, або інфармацыя аб прычынах яго адсутнасці*.
- Іншыя карысныя дакументы: рэкамендацыі, даведкі, дыпломы, пасведчанні — усё, што можа быць карысным у працэсе адбору.
*датычыцца асоб, адлічаных з ВНУ.
Падрабязней аб Праграме І і неабходныя дакументы
Для Праграмы II:
- Запоўненая анкета Кандыдата ў Праграму.
- Заява аб прыёме ў Праграму KKII.
- Запоўні онлайн-форму.
- Копія дыплома аб вышэйшай адукацыі, эквівалентнага польскай магістарскай ступені.
- Рэзюмэ (CV) на польскай мове, з фатаграфіяй.
- Канспект (план) плануемага даследчыцкага праекта на польскай мове.
- Кароткі матывацыйны ліст з абгрунтаваннем выбранага праекта.
- Спіс публікацый, дасягненняў і прафесійных праектаў.
- Копіі сертыфікатаў, якія пацвярджаюць веданне замежных моў.
- Іншыя дакументы, якія, на тваю думку, могуць быць важнымі для Кваліфікацыйнай камісіі.
Падрабязней аб Праграме ІI і неабходныя дакументы
Як праходзіць адбор?
Працэс рэкрутацыі ў 2026 годзе выглядае так:
Падача заяўкі: з 15 сакавіка па 15 мая 2026 года. Дасылай усе сканы на пошту: bialorus.studium@uw.edu.pl.
Сумоўе: звычайна праходзіць у чэрвені-ліпені. Камісія захоча даведацца пра твае планы, матывацыю і сітуацыю.
Вынікі: спісы тых, хто прайшоў адбор, публікуюцца да канца ліпеня (Праграма II) і да канца верасня (Праграма I).
На якую суму можна разлічваць?
Стыпендыя выплачваецца штомесячна і дапамагае пакрыць базавыя выдаткі на жыццё:
1 800 PLN — для студэнтаў (Праграма I). 2 700 PLN — для маладых навукоўцаў (Праграма II).
Важна: ты павінен знаходзіцца ў Польшчы падчас навучання, каб атрымліваць выплаты.
А што з польскай мовай?
Для навучання ў польскім універсітэце патрэбны ўзровень не ніжэй B2. Але не хвалюйся, калі твая польская ніжэй за гэты ўзровень: студэнтаў і навукоўцаў, у выпадку неабходнасці, могуць накіраваць на бясплатны гадавы падрыхтоўчы курс (zerówka). У гэты час табе таксама будуць плаціць стыпендыю. Тыя, хто мае афіцыйнае пацвярджэнне ведання польскай мовы на ўзроўні B2, могуць адразу паступаць ва ўніверсітэт.
Дзе я буду жыць?
Праграма не аплачвае жыллё непасрэдна — ты плаціш за яго са сваёй стыпендыі. Большасць студэнтаў жывуць у інтэрнатах сваіх ВНУ. Аднак падчас падрыхтоўчага курса па польскай мове табе прадставяць месца ў інтэрнаце. Карысныя спасылкі
Кантакты Бюро Праграмы і карысныя спасылкі
Адрас: ul. Oboźna 7 lok. 5, 00-332 Warszawa (уваход з боку ul. Sewerynów) Тэлефоны: +48 519 635 530 / +48 519 635 601 E-mail: bialorus.studium@uw.edu.pl