Аб краіне
Вялікабрытанія — адна з найбуйнейшых дзяржаў Еўропы, якая складаецца з Англіі, Шатландыі, Уэльса і Паўночнай Ірландыі. Гэта краіна з багатай гісторыяй, уплывовай эканомікай і моцнымі адукацыйнымі традыцыямі.
Жыллё
- Універсітэцкія інтэрнаты: пакоі на кампусе або побач, звычайна з агульнымі кухнямі; самы просты варыянт для першага года.
- Прыватныя інтэрнаты: не прывязаныя да ВНУ, размешчаныя ў розных частках горада.
- Арэнда кватэры: Лондан — адзін з самых дарагіх гарадоў Еўропы; у іншых гарадах значна танней. Сумесная арэнда з іншымі студэнтамі моцна зніжае выдаткі.
Пачынай пошук праз жыллёвую службу ўніверсітэта — у большасці ВНУ ёсць уласныя спісы правераных варыянтаў жылля.
Аховы здароўя
Студэнтам з візай працягласцю больш за 6 месяцаў даступная дзяржаўная сістэма NHS: пры падачы на візу аплачваецца медыцынскі збор (IHS) — каля £470 у год. Пасля прыбыцця зарэгіструйся ў мясцовай клініцы GP (урач агульнай практыкі). Падрабязней пра страхоўкі ў нашым артыкуле.
Праца
Студэнты са студэнцкай візай могуць працаваць да 20 гадзін на тыдзень падчас вучобы і поўны дзень на канікулах. Мінімальная аплата працы для асоб старэйшых за 23 гады — каля £10,4 у гадзіну. Вакансіі — на Indeed і Reed, а кар’ерныя цэнтры ўніверсітэтаў дапамагаюць з пошукам працы і рэзюмэ.